नेपालगन्ज : अन्तर विद्यालय दोस्रो मेयर कप फुटबल प्रतियोगिताको उपाधि बाँके शिक्षाले जितेको छ ।
नेपालगन्ज उपमहानगरपालिकाको आर्थिक सहयोगमा बाँके जिल्ला फुटबल संघले आयोजना गरेको प्रतियोगिताको शुक्रबार सम्पन्न फाइनल खेलमा टाइब्रेकरमा बाँके शिक्षाले आदर्श उच्च माविविरुद्ध ५–४ को अन्तरले जित निकालेको हो । निर्धारित समयमा दुवै टोलीले २–२ बराबरी गोल गरेपछि टाइब्रेकरमा लगिएको थियो ।
नेपालगन्ज उपमहानगरपालिकाका प्रमुख डा.धवल शम्शेर राणा, उपप्रमुख उमा थापा मगर, प्रादेशिक खेलकुद विकास समिति प्रदेश ५ का अध्यक्ष भीम ओली, एन्फा बाँके अध्यक्ष भोजराज शाही लगायतले विजेता बाँके शिक्षाले १५ हजार नगदसहित ट्रफी र उपविजेता आदर्शले १० हजार नगद र ट्रफी प्रदान गरेका थिए । प्रतियोगितामा २४ विद्यालय सहभागी थिए । ०००
प्रतिक्रिया दिनुहोस !
