सिरहा : दिदीलाई सिरहाको दक्षिणवर्ती गेरुवास्थित घर पुर्याउन गएका एक युवक मृत फेला परेका छन्। लहान नगरपालिका २४ का ३५ वर्षीय गजेन्द्र यादव भारतको पिप्राहीमा खोला र इँटा भट्टा नजिकै मृत फेला परेका हुन्।
प्रहरीका अनुसार शुक्रबार अपरान्ह ३ बजेतिर दिदी अनितालाई स ८ प ८४२७ नम्बरको मोटरसाइकलमा पुर्याउन गेरुवा गएका थिए। उनलाई पुर्याएर लहान फर्किएका गजेन्द्र बेखबर भएपछि आफन्तले लहान प्रहरीमा खोजीका लागि निवेदन दिएका थिए।
गजेन्द्रका दाई योगेन्द्र बिहीबार वैदेशिक रोजगारीका लागि कतार जाने भएपछि भाईलाई भेट्न दिदी अनिता माइत आएकी थिइन्। हराएको दुई दिनपछि भारतको पिप्राहीमा गजेन्द्रको शव फेला परेको प्रहरी नायव उपरीक्षक राजेश थापाले जानकारी दिए। यादवले प्रयोग गरेको मोटरसाइकल र मोबाइल फेला परेको छैन। घटनाको अनुसन्धान भइरहेको प्रहरीले जनाएको छ।
प्रतिक्रिया दिनुहोस !
