लमजुङ : प्रमुख प्रतिपक्षी दल नेपाली कांग्रेसका कार्यकर्ताले सोमबार नेकपाको सरकारविरुद्ध लमजुङमा विरोध प्रदर्शन गरेका छन् । नेपाली कांग्रेस केन्द्रीय कार्यसमितिको निर्देशन अनुसार सोमबार सदरमुकाम बेसीशहरमा प्रदर्शन गरिएको बताइएको छ ।
कांग्रेस लमजुङले अहिलेको सरकार निरंकुश भएको भन्दै चर्को नाराबाजी सहित प्रदर्शन गरेको थियो । विरोध प्रर्दशनमा जिल्लाका विभिन्न स्थानबाट कांग्रेस नेता तथा कार्यकर्ताहरु सदरमुकाम आएका थिए । बेसीशहरको मनाङे चौताराबाट सुरु भएको विरोध ¥याली सेरा चोक पुगेर कोणसभामा परिणत भएको थियो ।
प्रर्दशनकारीले ‘नालायक सरकार मुर्दावाद् !’, ‘निर्मला पन्तलाई न्याय देऊ’, ‘केपी सरकार मुर्दावाद्’, ‘भ्रष्टाचारीलाई कारबाही गर’ जस्ता नारा लगाएका थिए । ¥यालीमा कांग्रेसबाट स्थानीय तहमा निर्वाचित जनप्रतिनिधि, कर्मचारी, शिक्षक, विद्यार्थी, व्यवसायी आदि सहभागी थिए ।
कोणसभालाई नेका लमजुङका सभापति भेषबहादुर पौडेल, पूर्व राज्यमन्त्री रामबहादुर गुरुङ, पूर्व सभापतिद्वय शंकरकान्त जोशी र कृष्ण कोइरालाले सम्बोधन गरेका थिए ।
उनीहरुले मित्रराष्ट्र अमेरिकालगायतसँग दुष्मनी बढाएको, निर्मला पन्तको हत्यारालाई संरक्षण दिएको, भ्रष्ट्राचार बढाएको, सरकार अधिनायकवादी शैलिमा अघि बढेको भन्दै निन्दा गरेका थिए ।
प्रतिक्रिया दिनुहोस !
