कालिकोट : सवारी दुर्घटना न्युनीकरण गर्न कालिकोटमा चालकको सडकमै स्वास्थ्य परीक्षण गरिएको छ । स्वस्थ चालकले नै सुरक्षितरुपमा सवारी साधन चलाउन सक्छन् भन्दै जिल्ला ट्राफिक प्रहरी कार्यालय कालिकोटको आयोजनामा सवारी चालकहको स्वास्थ्य परीक्षण गरिएको हो ।
सडक दुर्घटना न्यूनीकरण गर्न कर्णाली राजमार्गमा सवारी चलाउने चालकहरुको स्वास्थ्य परीक्षण गरिएको जिल्ला ट्राफिक प्रहरी कार्यालय निमित्त प्रमूख अवल्दार बलबहादुर बस्यालले बताए ।
धेरैको आँखामा समस्या
उनले स्वास्थ्य जाँच गरिएका अधिकांश चालकहरुमा आँखामा कमजोरी देखिएकोे बताए । स्ववास्थ्य परीक्षण गराएका जम्मा ३९ मध्य ४ जनाको आँखा अतिकमजोर भएका पाइको छ । यस्तै ३ जना उच्च रक्त चापका बिरामी, ४ जना कम रक्तचापका समस्या पाइयो ।
दुई जना चालकमा आँखाको समस्या देखिएको छ । उच्च रक्तचाप भएका र आँखामा समस्या भएका चालकलाई तत्काल उपचार गराउन सल्लाह दिएको जिल्ला आँखा अस्पताल कालिकोटका डा डवल अधिकारिले बताए ।
सवारी चालकले समय समयमा स्वास्थ्य परीक्षण गर्नुपर्ने हुन्छ तर नियमित स्वास्थ्य जाँच नगर्ने भएकोले जिल्ला अस्पतालमा बोलाएर स्वास्थ्य परीक्षण गरिएको जिल्ला प्रहरी प्रमूख डिएसपी बिनोद शर्माले बताए ।
शिविरमा जिल्ला आँखा अस्पताल कालिकोटका प्रमूख डा डवल अधिकारि, जिल्ला अस्पतालमा कार्यरत डा.नहकुल शाहि लगायतका स्वस्थ्यकर्मीले चालकको स्वास्थ्य चेकजाँच गरेका थिए । दुर्घटना न्युनीकरण गर्न सवारी चालकले आफ्नो स्वास्थ्यको समय समयमा चेकजाँच गराई राख्न डिएसपी शर्माले आग्रह पनि गरेका छन् ।
प्रहरीका अनुसार कर्णाली राजमार्गको जुम्ला–सुर्खेत सडकखण्डको सबैभन्दा दुर्घटना हुने जोखिमयुक्त सडक पनि कालिकोटखण्डमै पर्छ । कालिकोट खण्डको दैखोलादेखि नाग्म बजारसम्म बर्षेनी स–साना दुर्घटना र सडक अवरुद्ध भइरहँदा प्रहरीलाई पनि सास्ती भइरहेको छ । कडा चट्टानमा सडक र टेलिफोन सेवासमेत नहुँदा उद्धारमा निकै चुनौती रहेको जिल्ला ट्राफिक प्रहरी कार्यालयले जनाएको छ ।
प्रतिक्रिया दिनुहोस !
