चरेससहित एकजना पक्राउ
रुकुम : रुकुम पश्चिममा १७ किलो चरेससहित एकजनालाई प्रहरीले प्रक्राउ गरेको छ ।
पक्राउ पर्नेमा बाँफीकोट गाउँपालिका–८ का ४८ वर्षीय जयराम खत्री रहेको प्रहरी नायब उपरीक्षक सुमित खड्काले बताए ।
उनका अनुसार बुधबार राति सोही गाउँपालिकाको वडा नम्बर ६ तल्लो बजारमा जाँचका क्रममा खत्रीलाई प्रहरीले पक्राउ गरेको हो ।
नदुवाबाट आउँदै गरेको भे ३ प २८८० नम्बरको मोटरसाइकलमा आएका दुई व्यक्तिलाई रोकी नियन्त्रण लिने क्रममा सेतोबोराभित्र लुकाएर राखिएको लागुऔषध चरेस फेला परेको प्रहरीले बताएको छ । पक्राउ परेका खत्रीलाई थप अनुसन्धानका लागि छ दिनको म्याद थप गरिएको बताइएको छ ।
–रासस