काठमाडौं : भक्तपुरमा आफैँले जन्माएको छोरालाई आफ्नै नामबाट नागरिकता दिलाउन नपाएपछि एक महिलाले २०७० साउन १९ गते आत्महत्या गरिन् । उक्त घटनाको असर अझै सेलाएको छैन ।
अर्थात् आमाको नामबाट नागरिकता पाउने अधिकार व्यवहारमा अझै लागू हुन सकेको छैन । कुनै पुरुषले आफ्नो सन्तानलाई नागरिकता दिलाउन सजिलै सक्ने तर महिलाको लागि अनेक शर्त लागु हुने अवस्था अन्त्य नहुँदा अधिकारकर्मी तथा सरोकारवालाहरुले चासो देखाउँदै आएका छन् ।
आज शुक्रबार दिउसो नयाँ बानेश्वरमा सयौंको संख्यामा महिला अधिकारकर्मीहरुले यही अधिकारको पक्षमा आवाज उठाए । भक्तपुरको उक्त घटनामा आधारित बानेश्वरमा एक नाटक समेत मन्चन गरिएको थियो । शैली थिएटरले तयार पारेको नाटक हेर्न सयौंको भीड थियो । महिला विकास तथा कानुन मन्चको सहकार्यमा शैली थिएटरले उक्त नाडक मन्चन गरेको हो ।
नाटकसँगै यहाँ महिला अधिकारकर्मी प्रदर्शनकारीहरुले सरकार अझै महिलालाई अधिकार दिन तयार नभएको भन्दै नारावाजी समेत गरेका थिए ।
सबै तस्बिर : सुनिता डंगोल
प्रतिक्रिया दिनुहोस !
