मड्रिड : स्पेनिस ला लिगामा निरन्तर पछि परिरहेको रियल मड्रिडले उत्कृष्ट पुनरागमन गरेको छ । शनिबारको खेलमा बलियो प्रतिद्वन्द्वी एथ्लेटिको मड्रिडलाई उसकै मैदानमा ३–१ ले पराजित गरी रियल मड्रिड अंक तालिकाको दोस्रो स्थानमा उक्लिन सफल भएको छ ।
रियलको महत्वपूर्ण जितका लागि कस्मिरो, रामोस र बेलले एक–एक गोल गरे । कस्मिरोले १६ औं मिनेटमा गोल गरी रियललाई सुरुवाती अग्रता दिलाएका थिए । तर त्यो अग्रता धेरै बेर रहेन एथ्लेटिको मड्रिडका लागि ग्रिजम्यानले २५ औं मिनेटमा गोल गरी खेल बराबरी बनाए ।
रियल मड्रिडले पहिलो हाफकाो उत्तराद्र्धतिर पेनाल्टीको अवसर पायो । खेलको ४२ औं मिनेटमा कप्तान रामोसले त्यसलाई गोलमा परिणत गर्दा पहिलो हाफमै रियल २–१ को अग्रता बनाउन सफल भयो । बेलले ७४ औं मिनेटमा गोल गरी रियलको अग्रता ३–१ बनाए । रियल मड्रिडको निरन्तरको आक्रमण र अधिकांश समय बल आफ्नो नियन्त्रणमा लिएपछि एथ्लेटिको खेलमा फर्किन सकेन ।
८२ औं मिनेटमा मिडफिल्डर टेये थोमस दोहोरो पँहेलो कार्ड खादै बाहिरिएपछि एथ्लेटिको मड्रिड १० खेलाडीमा सीमित हुन पुगेको थियो । जितपछि निकै समयदेखि निरन्तर दोस्रो स्थानमा रहेको एथ्लेटिको मड्रिडलाई पछि पार्दै रियल दोस्रो स्थानमा उक्लिन सफल भएको छ । २३ खेलबाट रियल मड्रिडको ४५ अंक छ भने समान खेलबाट एथ्लेटिको मड्रिडको ४४ अंक छ । एक खेल कम खेलेको बार्सिलोना ५० अंकका साथ शीर्ष स्थानमा छ । लगातार दुई खेलमा हार व्यहोरेपछि एथ्लेटिको मड्रिड तेस्रो स्थानमा झरेको हो ।
ला लिगाको यस सिजनका सुरुका कही खेलमा उत्कृष्ट प्रदर्शन गरेको रियल मड्रिडले बीचमा खराब प्रदर्शन गर्दा छैटौं स्थानमा पुगेको थियो । पछिल्ला खेलमा निरन्तर जित निकाल्दै दोस्रो स्थानमा उक्लिन सफल भएको छ । ला लिगाको यस सिजनका २३ खेलमा रियलले १४ मा जित निकाल्दा ६ खेलमा हार व्यहोरेको छ भने ३ मा बराबरी खेलेको छ ।
२०१७÷१७ सिजनको ला लिगा उपधि जितेको रियल २०१७÷१८ मा तेस्रो स्थानमा रहदै लिग अन्त्य गरेको थियो ।
प्रतिक्रिया दिनुहोस !
