ढुंगा बोकेर कुदिरहेकाे टिपर बीच बजारमा पल्टिएपछि...(भिडियो)
फागुन १, २०७५ बुधबार ११:१८:०
बर्दिबास : पूर्वपश्चिम राजमार्ग अन्तर्गत महोत्तरीको बर्दिबासमा बुधबार बिहान टिपर दुर्घटना हुँदा दुईजना घाइते भएका छन् । उनीहरुको अवस्था गम्भीर छ।बर्दिबासको शुभ स्वस्तिक अस्पतालमा उनीहरुको उपचार भइरहेको प्रहरीले जनाएको छ । तर घाइतेहरुको पहिचान भइसकेको छैन ।
बिपी राजमार्गबाट बर्दिबासतर्फ आउँदै गरेको ना ३ ख ७३५१ नम्बरको टिपर ओरालो बाटोमा ब्रेक फेल भइ दुर्घटना भएको बताइएको छ । यसअघि हुनेभन्दा फरक खालको दुर्घटना भएको जिल्ला ट्राफिक प्रहरी कार्यालय महोत्तरीका प्रहरी निरीक्षक प्रकाश सिंहले बताए ।
भिडियो
प्रहरीकाअनुसार ढुंगा बोकेर गुडिरहेको टिपर अचानक ब्रेक फेल भइ पल्टिएर सडकभरि ढुंगा छरिएका थिए । टिपर पल्टिँदा ढुंगा ५० फिट परसम्म उछिट्टिएको र आसपासमा रहेकाहरूबीच भागाभाग भएको प्रत्यक्षदर्शी अमृतकुमार महतोले बताए।
उछिट्टिएका ढुंगाले लागेर फलफूलका दुईवटा ठेला, ४ वटा मोटरसाकल र एउटा टेम्पोमा समेत क्षति पुगेको छ । अति व्यस्त रहने बर्दिबास चोकमा दुर्घटना हुँद निकै बेरसम्म सडक नै जाम भएको थियो ।
प्रतिक्रिया दिनुहोस !
