सिरहा : सिरहाको मिर्चैया नगरपालिका-५ स्थित स्कुल बसले टेम्पोलाई ठक्कर दिँदा दाइको मृत्यु भएको छ भने भाइ घाइते भएका छन्। दुर्घटनामा परी मिर्चैया नगरपालिका-२ का २७ वर्षीय विरेन्द्र साहको मृत्यु भएको जिल्ला ट्राफिक प्रहरी कार्यालय लहान सिरहाका प्रमुख प्रहरी निरिक्षक मिलनसिंह बस्नेतले जनाएको छ। मृतकका भाइ २५ वर्षीय मुकुनदेव साह घाइते भएको प्रहरीले जानकारी गराएको छ।
पूर्वबाट पश्चिमतर्फ जाँदै गरेको ना ४ ख ४९०४ नम्बर भएको टाइम्स स्कुलको बस र विपरित दिशाबाट आउँदै गरेको ना ३ स ३४२० नम्बरको टेम्पो ठोकिएको प्रहरी निरीक्षक बस्नेतले बताए। उनका अनुसार दुर्घटनापछि बस, टेम्पो र चालक प्रहरी नियन्त्रणमा रहेको र अनुसन्धान भइरहेको छ।
घाइते मुकुनदेव साहको उपचार हुँदै।
प्रतिक्रिया दिनुहोस !
