बर्दिबास : १० हजार घुस लिदैं गर्दा अख्तियारको फन्दाबाट उम्किएका महोत्तरी औरहीको प्रहरी चौकीका इन्चार्ज रामनरेश साह तेली पक्राउ परेका छन्।
असई रामनरेश साहलाई अख्तियार दुरुपयोग अनुसन्धान आयोगको बर्दिबासस्थित टोलीले मंगबार घुस लिदैं गर्दा पक्राउ गर्न खोज्दा उम्किएका थिए। प्रहरीले दबाब बढाएपछि उनी बुधबार आफैं अख्तियारको कार्यालयमा हाजिर भएका हुन्।
सेवाग्राहीबाट घुस लिदैं गर्दा औरही चौकबाट उनलाई अख्यिारले घेरा हालेर पक्राउ गर्ने प्रयास गरेको थियो। पक्राउ गर्न लाग्दा भिड बढेपछि उनी उम्किएका थिए।
घटना स्थलमा भएको भिड हटाउन खोज्दा स्थानीय र सुरक्षामा खटिएका प्रहरीबीच विवाद हुँदा मौका छोपेर इन्चार्ज साह भागेको अख्तियारका प्रतिनिधिको भनाइ छ। स्थानीयको कुटपिटबाट अख्तियारका तीन कम्रचारीसमेत घाइते भएका थिए।
प्रतिक्रिया दिनुहोस !
