अब ‘अटोमेटिक ब्रेक’ लाग्ने कार, ड्राइभरले नभ्याए पनि आफैँ रोकिन्छ

काठमाडाैं : जापान लगायत ४० वटा मुलुकले आगामी वर्षदेखि ‘अटोमेटिक ब्रेकिङ सिस्टम’ जडान भएको नयाँ मोडेलको कार भित्र्याउने छन् ।

संयुक्त राष्ट्रसंघीय आर्थिक आयोगका अनुसार ईयू सहित ती ४० मुलुकले यस्तो सवारी आफूले प्रयोग गर्ने भन्दै सम्झातापत्रमा हस्ताक्षर गरिसकेका छन् । तर चीन र अमेरिका भने यस्तो सम्झौतामा सहमत छैनन् ।

आजा फेब्रुअरी १ को दिन तयार पारिएको सम्झौताको नेतृत्व जापान र ईयूले गरेका हुन् । यस्तो व्यवस्था अनुसार ती मुलुकले आगामी वर्षमा त्यस्ता कार खरिद गर्नेछन्, जसमा स्वतः ब्रेक लगाउने प्रविधि हुने छ । अर्थात् चालकले यदी ब्रेक लगाउन भ्याएन भने पनि अगाडि मान्छे उभिएको अवस्थामा वा केही वस्तु देखिएको अवस्थामा गाडी आफैँ रोकिने छ ।

उच्च प्रविधि सहितको यस्तो गाडीले सडक दुर्घटना ठूलो मात्रामा न्युनिकरण गर्ने अपेक्षा गरिएको छ । खासगरी पैदलयात्रीलाई ठक्कर दिने, मोटरसाइकल वा अन्य सवारीसँग ठोक्किने खतरा यस्ता गाडीले टार्ने पनि बताइएको छ ।