दाङ : दाङको तुलसीपुरस्थित मदन आश्रित चोकमा शंकास्पद बस्तु भेटिएपछि आसपासको क्षेत्र तनावग्रस्त बनेको छ। साँझ ६ बजेतिर चोकमा सामान भरिएको अवस्थामा कालो झोला फेला परेको हो।
झोला कस्ले र किन राख्यो नखुलेको इलाका प्रहरी कार्यालय तुलसीपुरका प्रमुख प्रेम शाहीले बताए। मुख्य चोकमा शंकास्पद झोला देखिए पछि प्रहरीले अनुसन्धान सुरु गरेको छ।
डिएसपी शाहीका अनुसार नेपाली सेनाको प्राविधिक टोली घटनास्थलतर्फ आउँदै छ। नेपाली सेना १९ नम्बर बाहिनी तुलसीपुरको टोली आएपछि यथार्थ पत्ता लाग्ने शाहीले बताए।
प्रतिक्रिया दिनुहोस !
