काठमाडौं : राजधानीको तीनकुनेमा कान्तिपुर टिभीको गाडी र मोटरसाइकल ठोक्किँदा मोटरसाइकलमा सवार दुईजना घाइते भएका छन्।
गैह्रीगाउँ, तीनकुनेबाट बानेश्वरतर्फ जाने सडक पार गर्न लागेको बा १६ च ४३०२ नम्बरको कान्तिपुर टिभीको गाडी र कोटेश्वरबाट गैह्रीगाउँ सडकतर्फ जाँदै गरेको बा ७८ प ४९९४ नम्बरको मोटरसाइकल मूल सडकको बीचमा ठोक्किएका थिए।
घाइते भएका मोटरसाइकलमा सवार दुईजनालाई उपचारका लागि काठमाडौं मोडेल अस्पताल (केएमसी) लगिएको प्रहरी जवान नेत्र भट्टराईले जानकारी दिए।
गाडी र मोटरसाइकल महानगरी ट्राफिक कार्यालय कोटेश्वर लगिएको छ। घाइतेहरूको अवस्था सामान्य रहेको प्रहरीले जनाएको छ।
प्रतिक्रिया दिनुहोस !
