अफिम तथा चरेससहित दुई पक्राउ

अफिम तथा चरेससहित दुई पक्राउ

रुकुमपश्चिम : जिल्लाको आठबिसकोट नगरपालिकाको विभिन्न स्थानबाट अवैध रुपमा लुकाई राखेको अफिम र चरेस जिल्ला प्रहरी कायार्यलय रुकुम पश्चिमले बरामत गरी शुक्रबार सार्वजनिक गरेको छ। 

बिहीबार बिहान ७ बजेतिर आठबिसकोट ४ को जाजरकोट–डोल्पा सडकखण्डको अनाहा भन्ने स्थानबाट जाजरकोटको त्रिवेणी नगरपालिका १३ का ४२ वर्षीय धनबहादुर मल्ल र आठबिसकोट १२ का ३० वर्षीय चन्द्रबहादुर शाहीलाई लागुपदार्थसहित पक्राउ गरेको प्रहरी नायव उपरीक्षक सुमित खड्काले जानकारी दिए।

जिल्ला प्रहरी कार्यालयबाट खटिएको टोलीले कालो रंगको झोला बोकी शंकास्पद रुपमा डोल्पातर्फबाट आइरहेका दुई व्यक्तिलाई चेकजाँच गर्ने क्रममा लगु औषध भेटिएको हो। 

पक्राउ गरेका मल्लको साथबाट सात किलो चरेस र ५ किलो अफिम प्रहरीले फेला पारेको हो। साथै उनिहरुबाट नगद ५० हजार र एक थान स्प्रिङ तराजु पनि वरामत गरेको प्रनाउ खड्काले जानकारी दिए।

पक्राउ परेका दुबै जनालाई जिल्ला अदालत रुकुम पश्चिमबाट ६ दिनको म्याद थप गरी प्रहरीले अनुसन्धान अगाडि बढाएको छ। 
 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.