काठमाडौं : भारतको भुवनेश्वरमा जारी हिरो गोल्डकप फुटबलको फाइनलमा नेपाल र म्यानमारको खेल जारी छ । पहिलो हाफमा नेपाल र म्यानमारले एकएक गोल बराबरी गरेका छन् । चार टोली सहभागी गोल्डकपमा नेपालले लिग चरणको उपविजेताका रूपमा फाइनलमा स्थान बनाएको हो।
तीन खेलमा नेपालले दुई जित र एक हार आत्मसात् गरेको थियो। म्यानमार सबै खेल जितेर समूह विजेता बन्दै फाइनलमा पुगेको हो । लिग चरणको अन्तिम खेलमा बुधबार नेपालले बलियो टोली इरानलाई ३-० गोलले हराएको थियो। अर्को खेलमा म्यानमारले आयोजक भारतलाई २–० गोलले हराएपछि नेपालको फाइनल यात्रा सम्भव भएको थियो। पहिलो खेलमा नेपाल म्यानमारसँग ३-० गोलले पराजित भएको थियो।
फाइनलमा नेपाललाई म्यानमारसँग लिग चरणमा भोगेको हारको बदला लिने सोचसहित मैदानमा छ । नेपालले दोस्रो खेलमा आयोजक भारतलाई २–१ गोलले पराजित गरेको थियो। सिनियर महिला टोलीले भारतलाई हराएको यो नै पहिलोपटक हो।
प्रतिक्रिया दिनुहोस !
