दमौली : कांग्रेस नेता प्रदीप पौडेलले कांग्रेस नसकिएको बताएका छन्। राष्ट्रिय मगर संघले दमौलीमा आयोजना गरेको प्रदेशस्तरीय प्रशिक्षणको उद्घाटनमा बोल्दै उनले कांग्रेसले मर्यादित तवरले सदन र बाहिरबाट कुरा उठाउँदा गलत अर्थ लगाइएको बताए।
उनले मर्यादित तरिकाले गलत कामविरुद्ध आवाज उठाउँदा पनि सरकार सच्चिने संभावना नभएको जिकिर गरे।
राज्यका सबै साधन र श्रोत सत्ताधारी दलले आफ्नो ढंगले चलाएको उनले आरोप लगाए। देशमा विकास र समृद्धिको बाटो कोरिने संभावना यो सरकारबाट नदेखिएको उनले दावी गरे।
माओवादीले युद्धका क्रममा उपयोग गरेको रुकुम र रोल्पा उस्तै भएको उनको भनाइ छ। देशमा सुशासन नभएको र भ्रष्टाचार बढेको भन्दै उनले सरकारको आलोचना गरे।
प्रतिक्रिया दिनुहोस !
