एजेन्सी : अस्ट्रेलियाको बिग बास लिगको फाइनलमा नेपाली युवा क्रिकेटर सन्दीप लमिछाने आवद्ध टोली मेलबर्न स्टार्सले अहिले मेलबर्न रेगेनेट्सँग प्रतिस्पर्धा गरिरहेको छ । फाइनल खेलमा सन्दीपले कुनै विकेट लिन नसकेपनि निकै कसिलो बलिङ गरेका छन् । चारै ओभर बलिङ गर्न पाएका उनले १६ रन मात्रै दिए ।
सातौं ओभरमा बलिङमा आएका सन्दीपले २ रन मात्रै दिए । त्यसपछि ९ औं ओभरमा ५ रन, १३ औं ओभरमा ३ रन १५ औं ओभरमा ५ रन दिए, । २४ बलमा उनले कुनै अतिरिक्त रन दिएनन् । उनको बलमा मेलबर्न रेगेनेट्सका ब्याट्सम्यानले १ चौका मात्रै प्रहार गर्न सके ।
आइपीएलपछि लगातार ठूला विदेशी लिगमा व्यस्त रहेका सन्दीपले पहिलो पटक फाइलन खेल्ने अवसर पाएका हुन । यसपछि उनी पाकिस्तानी सुपर लिग खेल्न जानेछन् । पाकिस्तानी सुपर लिग यूएइमा गत बिहीबार देखि सुरु भइसकेको छ । सन्दीपलाई लिएको टिम लाहोर क्वालान्डर्सले दुई खेल खेलिसकेको छ ।
सन्दीप बिग बास लिगका चार खेल खेली बङ्गलादेश प्रिमियर लिग खेल्न बंगलादेश गएका थिए । त्यसपछि नेपाल र यूएईबीचको एकदिवसीय र टीट्वीन्टी श्रृंखला खेली सन्दीप उतैबाट बिगबास लिग खेल्न गएका हुन् ।
सन्दीपले बिग बासमा ८ खेल खेल्दा ११ विकेट लिए ।
मेर्लबन स्टार्सले टस जितेर पहिले बलिङ गर्ने निर्णय गरेको थियो ।
प्रतिक्रिया दिनुहोस !
