काठमाडौँ : पायोनियर मोटो कर्प प्रालिले लामो समयदेखि प्रतिक्षामा रहेको निसानको गाडी किक्स फागुन ५ गतेदेखि बजारमा ल्याएको छ ।
किक्स गाडीले आफ्ना ग्राहकहरुलाई विशेष सुविधासहित आरामदायी सेवा दिनेछ । यसको फराकिलो भित्री भाग र स्टाइलिष्ट (आकर्षक) बाहिरी भागले ग्राहकहरुलाई आकर्षित गर्नेछ ।
अति राम्रा विशेषता सहित सुरक्षाको हिसावले अब्बल मानिएको किक्स गाडी नेपाली बजारमा इन्ट्री लेभलको ४७ लाख ९९ हजार र टप लेभलको ५९ लाख ९९ हजारमा मा पाइनेछ ।
विशेषता
यसका विशेषतामा ८ इन्चको टचस्क्रिन जसलाई एन्ड्रोइड तथा एप्पल प्रणालीद्वारा सञ्चालन गर्न सकिन्छ । एलईडी प्रोजेक्टरको हेड ल्याम्प, अटोमेटिक क्लाइमेट कन्ट्रोल, कूल र इलुमिनेटेड ग्लोभ बक्स, क्रुज कन्ट्रोल, भ्वाइस रिकग्निसन, गाडी स्टाटको लागि साँचो नचाहिने स्मार्ट कार्ड, चालकको लागि हाइट मिलाउन मिल्ने सिट, दुईवटा एयरब्याग र ईबीडी र बीए सहितको एबीएस समावेश छन् ।
यो एसयुभी गाडी डिजेल इन्जिनमा एक्सएल, एक्सभी र एक्सभी प्रिमियम गरी तीन प्रकारका र पेट्रोल इन्जिनमा एक्सएल र एक्सभी गरी दुईप्रकारका रहेका छन् । यसैगरी नयाँ निसान किक्स पर्ल ह्वाइट, ब्लेड सिल्भर, ब्रोजन ग्रे फायर रेड, एम्बर अरेन्ज, जीप ब्लु पर्ल र नाइट सेड गरी जम्मा ७ प्रकारका विभिन्न कलरमा पाइनेछ ।
बिक्री प्रारम्भ गरिएको समारोहमा, पायोनियर मोटो कर्पका प्रबन्ध निर्देशक सन्दीपकुमार सारदाले विश्वस्तरीय नयाँ सवारी साधन ल्याउन सकेकोमा खुशी व्यक्त गरे । उनले नेपालीको अभिरुचि पूरा गर्ने बताउँदै यसबारे नेपालीमा रहेको उत्सुकता पूरा गर्दै मन पनि जित्दै बताए ।
यसको स्टाइलिस डिजाइनले यसको क्षमता र ड्राइभिङ्ग डाइनामिक्सलाई परिपूरकको काम गरेको कम्पनीको दाबी छ । नयाँ निसान किक्सको पेट्रोल इन्जिनमा १.५ एचफोरको को ५ स्पीड म्यानुअल ट्रान्समिसन र डिजेल इन्जिनमा १.५ के९के डीसीआई को ६ स्पीड म्यानुअल ट्रान्समिसनमा उपलब्ध छन् ।
यसको माइलेज क्षमता उत्तम मानिएको बताइएको छ । पेट्रोल इन्जिनले प्रतिलिटर १४.२३ किलोमिटर र डिजेल इन्जिनले प्रतिलिटर २०.४५ किलोमिटर गाडी चल्नसक्ने एआरआईले प्रमाणित गरेको कम्पनीले जनाएको छ ।
यी गाडीहरु पायोनियरको नयाँ बिक्रीकक्ष काठमाडौं उत्तरढोका र देशभरका बिक्री केन्द्रहरुबाट खरिद गर्न पाइनेछ ।
प्रतिक्रिया दिनुहोस !
