बझाङ : सदरमुकाम चैनपुर बजारबाट जयपृथ्वी नगरपालिका–११ धामीलेख गाँउतर्फ गइरहेको एउटा जिप आइतवार राति दुर्घटना हुँदा दुईजनाको मृत्यु भएको छ।
से १ ज ८९० नम्वरको जिप आइतवार राति भोपुरमाथि माडुकाट्नेमा दुर्घटना हुदाँ २ जनाको घटनास्थलमै मुत्यु भएको हो । जिपमा सवार अन्य ११ जना घाइते भएका छन् । मृत्यु हुनेमा धामीलेख गाँउका ४५ वर्षीय धौल्या जोशी र १२ वर्षकी सम्झना जोशी रहेको मृतकका आफन्त तुला जोशीले जानकारी दिइन् ।
दुर्घटनामा गम्भीर घाइतेमध्ये धामीलेखगाँउकै जयराज जोशी, जुनादेवी जोशी, अंगराज जोशी, झसी जोशी, कविता जोशी, प्रकाश जोशी र सविता जोशीलाई थप उपचारका लागि कोहलपुर मेडिकल अस्पताल पठाइएको छ । अन्य सामान्य घाइतेको जिल्ला अस्पताल सिमखेतमा उपचार गरिँदैछ ।
जिपमा १८ जना सवार थिए । चामल र अन्य सामान पनि बोकेर गइरहेको जिपत भोपुरमाथि उकालो बाटोमा ब्रेक फेल भएर दुर्घटना भएको चालक धनबहादुर बोहराले बताए ।
प्रतिक्रिया दिनुहोस !
