काठमाडौं : सर्वोच्च अदालतका न्यायाधीश दीपकराज जोशीले राजीनामा दिएका छन् । चोलेन्द्र शमशेर राणा प्रधानन्यायाधीमा नियुक्त भएपछि कामबिहीन बनाइएका न्यायाधीश जोशीले मंगलबार प्रधानन्यायाधीश राणासमक्ष राजीनामा पेश गरेको सर्वाेच्च अदालतका सञ्चारविज्ञ किशोर पौडेलले जानकारी दिएका छन् ।
गत साउनमा प्रधानन्यायाधीशका लागि सिफरिस गरिएका दीपकराज जोशीलाई संसदीय समितिले अस्वीकृत गरेको थियो । जोशी अस्वीकृत भएपछि प्रधानन्यायाधीशमा ओमप्रकास मिश्र नियुक्त भए ।
मिश्रको अवकासपछि। गत महिना प्रधानन्यायाधीशमा नियुक्त भएका चोलेन्द्र शमशेर राणाले दीपकराज जोशीलाई कुनै पेसी नतोकी कामबिहीन बनाएका थिए । त्यसपछि हाजिर मात्रै गर्दै आएका जोशीले मंगलबार राजिनामा दिएका हुन् । राजीनामा प्रधानन्यायाधीशमार्फत राष्ट्रपतिले स्वीकृत गरेपछि जोशी पदमुक्त हुनेछन् ।
प्रतिक्रिया दिनुहोस !
