बझाङ : बझाङमा मंगलबार राति ११ बजेतिर तमैलको भीरमा मोटर साइकल दुर्घटना हुँदा दुईजनाको ज्यान गएको छ भने एक घाइते भएका छन्। मृत्यु हुनेमा जयपृथ्वी नगरपालिका- ७ का २१ वर्षीय प्रेम हमाल र जयपृथ्वी नगरपालिका-१० चैनपुरका २२ वर्षीय पवल छत्याल रहेको प्रहरीले जनाएको छ।
मंगलबार राति तीनैजनाले तमैलमा मदिरा पिएर चैनपुरतर्फ आउँदा बाइक अनियन्त्रियत हुँदा उनीहरु तमैलभीरबाट १ सय मिटर तल सेती नदीमा खसेका प्रहरीले बताएको छ। सोहि मोटर साइकलमा सवार रहेका चैनपुरमै बस्दै आएका तर घर छविसपाथीभेरा केडल भएका २२ वर्षीय आकास सिंह गम्भीर घाइते भएको डीसएपी प्रविण धितालले जानकारी दिए।घाइतेको जिल्ला अस्पतालमा उपचार भइरहेको छ।
घटनाको थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
