काठमाडौं : प्रधानमन्त्री निवास बालुवाटारमा आज बिहीबार बसेको नेकपाको सचिवालय बैठक अनिर्णयमा पुगेर टुंगिएको छ । दुई अध्यक्षबीच नै एकमत हुन नसक्दा बैठकले कुनै निर्णय गर्न सकेको छैन ।
सचिवालय बैठक बस्नुअघि दुबै अध्यक्षले कार्यदलका सबै सदस्यहरुको राय बुझेका थिए । यस क्रममा कार्यदलका प्रमुख रामबहादुर थापा बादलले लिखित रुपमै आफ्नो प्रतिवेदन समेत बुझाए । प्रस्तावसहित कार्यदलले एक साताको समय माग गरेको थियो ।
पार्टी प्रवक्ता नारायणकाजी श्रेष्ठका अनुसार भोलि बस्ने बैठकले कार्यदलबारे टुंगो लगाउने छ । सचिवालयको बैठकमा भने अध्यक्ष केपी ओलीले नै कार्यदल विघटन गर्ने प्रस्ताव राखेपछि विवाद उत्पन्न भएको छ । प्रचण्डलगायत बहुमत नेताहरु भने कार्यदल विघटन गर्ने पक्षमा छैनन् ।
प्रतिक्रिया दिनुहोस !
