दाङ : सवारी दुर्घटनामा परी घाइते भएका प्रदेश ५ का सांसद उत्तरकुमार वलीको निधन भएको छ । ललितपुरथित मेडिसिटी अस्पतालमा उपचारका क्रममा शुक्रबार बिहान साढे २ बजे निधन भएको सुरेश रावतले जानकारी दिएका छन् ।
सांसद वली गत माघ २४ गते बुटवलमा प्रदेशसभा बैठक सकेर घर फर्कदैं गर्दा दाङमा सवारी दुर्घटनामा परेका थिए । उनको कारलाई बसले ठक्कर दिदाँ उनी गम्भीर घाइते भएका थिए ।
वलीको शव पोस्टमार्टम गरी बिहान ९ देखि १० बजेसम्म पार्टी कार्यालय धुम्बाराहीमा राखिने र आजै उनको शव गृह जिल्ला दाङ लगिने तयारी भएको सुरेश रावतले बताए । सांसद वली नेकपाकातर्फबाट दाङ क्षेत्र नं ३ ‘ख’ बाट प्रदेश सांसदमा निर्वाचित भएका थिए ।
२०७० सालको दोस्रो संविधान सभा निर्वाचनमा दाङ क्षेत्र नं ५ बाट उम्मेदवार रहेका उनी दीपक गिरीसँग पराजित भएका थिए । २०७४ को प्रदेशसभा निर्वाचनमा पूर्व सांसद बुद्धिराम भण्डारीलाई पराजित गर्दै विजयी भएका हुन् ।
प्रतिक्रिया दिनुहोस !
