जनकपुर : राष्ट्रीय जनता पार्टी (राजपा) नेपालका केन्द्रीय अध्यक्ष मण्डलको तीन दिने बैठक जनकपुरमा सुरु भएको छ। शुक्रबारबाट प्रदेश २ को राजधानी जनकपुरको होटल राजदरवारमा बैठक सुरु भएको हो।
बैठकमा तीन दिन फरकफरक विषयमा छलफल हुने छ। आज भइरहेको बैठकमा प्रदेश २ सरकारको एक वर्षको कार्यको समीक्षा गरिने राजपाले बताएको छ।
बैठकमा केन्द्रीय अध्यक्ष मण्डलका सदस्य अनिल झा, राजेन्द्र महतो, महन्त ठाकुर, अध्यक्ष मण्डलका महेन्द्र राई यादव, प्रदेश २ का भौतिक पूर्वाधार मन्त्री जितेन्द्र सोनल, राज्यमन्त्री डिम्पल झा, अभिराम शर्माको सहभागिता रहेको छ।
बैठकमा पार्टीको महाधिवेशन, प्रदेश २ सरकारको काम कारवाहीको समीक्षा, राजपाले पार्टीबाट पठाएको मन्त्रीका कार्य आदि विषयमा छलफल हुने छ।
प्रतिक्रिया दिनुहोस !
