बझाङ : थलारा गाउँपालिकाको पिखेत खोली ग्रामिण सडकखण्डमा साइकल दुर्घटना हुँदा एक बालकको मृत्यु भएको छ ।
थलारा गाउँपालिका–९ खानी निवासी १४ वर्षीय सञ्जय सुनारको साइकल सहित भीरबाट लडेर मृत्यु भएको हो ।
गाउँपालिका केन्द्र थलारा खोलीमा रहेको थलारा उमाविको वार्षिकोत्सव हेरेर फर्कँदै गर्दा चुनापानी भीरबाट उनको साइकल ३ सय मिटर तल खसेको थियो ।
गणेश सुनारको छोरा सञ्जय ७ कक्षामा अध्ययनरत थिए । घटनापछि उनको शव पोष्टमार्टमका लागि जिल्ला अस्पताल ल्याइएको प्रहरीले जनाएको छ ।
प्रतिक्रिया दिनुहोस !
