कालिकोट : कालिकोटमा सम्पन्न पालिका स्तरीय भलिबल प्रतियोगिताको उपाधि नरहरिनाथले जितेको छ।
जिल्ला सदरमुकाम मान्मस्थित जिल्ला समन्वय समितिको खुला मञ्चमा बुधबारदेखि सुरु भएको ८ औं राष्ट्रिय भलिबलका लागि खेलाडी छनोट प्रतियोगितामा नरहरिनाथले खाँडाचक्र नगरपालिकालाई हराउँदै उपाधि उचालेको हो।
फागुन १८ गतेबाट हुने ८ औं राष्ट्रिय भलिबलका लागि खेलाडी छनोट गर्न प्रतियोगिता भएको हो। खेल सम्पन्न भएसँगै जिल्लाबाट ९ खेलाडी क्षेत्रीय प्रतियोगितामा भाग लिने भएका छन्।
सँगै पालिका स्तरीय महिला भलिबल प्रतियेगितामा खाँडाचक्र नगरपालिका प्रथम भएको छ। खाँडाचक्र नगरपालिकाको महिला टिमले रास्कोट नगरपालिका र पचालझरना गाँउपालिकालाइई हराउदै प्रथम भएको हो। जसमा दोस्रो रास्कोट नगरपालिका र तेस्रो पचालझरना गाँउपालिका भएका छन्।
सँगै ८ औं राष्ट्रिय खेलकुद प्रतियोगिताका लागि कर्णाली प्रदेशबाट सटफुटमा निरुता शाही प्रथम भएकी छन्। जिल्ला खेलकुद विकास समितिका उपाध्यक्ष तथा प्रशिक्षक जीवन शाहीका अनुसार एक सय मिटर दौडमा रसुदा शाही दोस्रो र सडफुटमा तृत्तीय भएकी छन्।
प्रतिक्रिया दिनुहोस !
