मलंगवा : सर्लाहीको बहरथवा १६ गंगापुरमा शनिबार ट्याक्टर पल्टिएर ब्याट्री सर्ट भई आगो लाग्दा चालकको मृत्यु भएको छ । मृत्यु हुनेमा हरिपुर नगरपालिका १ का २५ वर्षीय राजेश महतो रहेको जिल्ला प्रहरी कार्यालय सर्लाहीका प्रहरी नायव उपरीक्षक विश्वराज खड्काले जानकारी दिएका छन् ।
शुक्रबार किनेर ल्याएको अन टेस्ट ट्याक्टरले खेत जोत्न जाँदै गर्दा नालामा ट्याक्टर पल्टिएको थियो । पल्टिएको ट्याक्टरबाट तेल चुहिएर ब्याट्रीमा पुगेको र ब्याट्री सर्ट भएर आगो लाग्दा महतो जलेर गम्भीर घाइते भएका थिए । घाइते महतोलाई थप उपचारको लागि भरतपुर लाँदै गर्दा उनको ज्यान गएको प्रहरीले बताएको छ । ट्याक्टर धनी महतो आफैँ थिए ।
प्रतिक्रिया दिनुहोस !
