आज हङकङसँग भिड्दै नेपाल

आज हङकङसँग भिड्दै नेपाल

काठमाडौं : थाइल्यान्डमा जारी विश्वकप छनोट प्रतियोगिताअन्तर्गत आफ्नो चौथो खेलमा नेपाली महिला राष्ट्रिय टोलीले आइतबार हङकङसँग प्रतिस्पर्धा गर्दै छ । एसियन इन्स्टिच्युड अफ टेक्नोलोजीको मैदानमा हुने खेल नेपाली समयअनुसार १२ बजेपछि सुरु हुनेछ ।

आगामी टीट्वेन्टी र ५० ओभर क्रिकेटको दुवै विश्वकप खेल्ने झिनो सम्भावना जीवित राख्न नेपाललाई हङकङविरुद्धको खेलमा जितको नतिजा आवश्यक छ । सिंगल राउन्ड रोबिन लिग प्रणालीमा सञ्चालन भइरहेको प्रतियोगिताको शीर्ष स्थानमा रहने एक टोली मात्रै सन् २०२० मा अस्टे«लियामा हुने टीट्वेन्टी र सन् २०२१ मा न्युजिल्यान्डमा हुने ५० ओभर क्रिकेटको दुवै विश्वकपको अन्तिम चरणको छनोट प्रतियोगिताका लागि छानिनेछ ।

अन्तर्राष्ट्रिय क्रिकेट काउन्सिल (आईसीसी) ले २० ओभरको यसै प्रतियोगितालाई टीट्वेन्टी र ५० ओभर क्रिकेटको दुवै विश्वकपको एसियाली छनोट प्रतियोगिता मानेको छ । समूहगत चरणको दोस्रो खेलमै आयोजक थाइल्यान्डसँग ५७ रनले पराजित भएसँगै नेपालको छनोट सम्भावना मुस्किल बनेको छ । नेपाललाई अब छनोट निश्चित गर्न आफूले बाँकी सबै खेलमा जित हात पारेर मात्रै पुग्ने छैन, थाइल्यान्डले कम्तीमा एक खेल गुमाएको हुनुपर्नेछ ।

यो अवस्थामा समेत अंक बराबर हुने भएकाले नेपाल नेट रन रेटमा अघि रहनु पर्नेछ । नेपालले यसअघि प्रतियोगिताको आफ्नो पहिलो खेलमा मलेसियालाई ३४ रन तथा तेस्रो खेलमा शुक्रबार संयुक्त अरब इमिरेट्स (यूएई) लाई सात विकेटले पराजित गरेको थियो ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.