मलंगवा : सिन्धुलीबाट लागु औषध गाँजा सहित सर्लाही तर्फ आउँदै गरेका दुई जनालाई प्रहरीले पक्राउ गरेको छ ।
सोमबार राति ट्याक्टरमा लुकाइ सर्लाही लाँदै गरेको लागु औषध गाँजासहित सिन्धुली मरिण गाउँपालिका ११ का २१ वर्षीय ट्याक्टर चालक डम्मरबहादुर मोक्तान र सोही ठाउँमा बस्ने ट्याक्टर धनीका २९ वर्षीय छोरा मंगलसिंह मोक्तानलाई पक्राउ गरिएको प्रहरी नायव उपरीक्षक विश्वराज खड्काले जानकारी दिए।
ज ३ त ७३८७ नम्बरको ट्याक्टरको ट्रेलरको मुनी लुकाएर ३१ किलो लागु औषध गाँजा ल्याउँदै गरेको अवस्थामा मोक्तानद्वयलाई पक्राउ गरिएको हो । गोप्य सूचनाको आधारमा उनीहरुलाई पक्राउ गरिएको नायव उपरीक्षक खड्काले जानकारी दिएका छन् । पक्राउ गरिएका दुबैजनालाई आवश्यक कारबाहीका लागि इलाका प्रहरी कार्यालय हरिवनमा राखिएको प्रहरीले जनाएको छ ।
तस्करहरु यसभन्दा अगाडि सर्लाहीका पूर्वी क्षेत्रबाट गाँजा ल्याउँदै गरेको थियो । तर, पूर्वी क्षेत्रबाट धमाधम गाँजा पक्राउ पर्न थालेपछि तस्करहरु जिल्लाका पश्चिमी क्षेत्रको बाटो प्रयोग गरेको प्रहरीले जनाएको छ ।
प्रतिक्रिया दिनुहोस !
