अछाम : साँफेबगर नगरपालिकाले गुनासो व्यवस्थापन प्रणाली सञ्चालन गरेको छ ।अन्तर्राष्ट्रिय खुला तथ्यांक दिवसकाा अवसरमा शनिबार आयोजित कार्यक्रममा गुनासो व्यवस्थान प्रणालीको उद्घाटन गरिएको हो ।
नगर प्रमुख कुलबहादुर कुँवरले नगरपालिकाका १४ वटै वडालाई जोड्दै गुनासो, समस्या र सुझाव अनुसार अघि बढ्ने बताए । ‘नगरका १४ वटै वडामा सूचना प्रविधिलाई जनतासँग जोड्न इन्टरनेट जोड्ने प्रयास गरिरहेका छौँ,’ उनले भने ।
जनतालाई नगरपालिकाका सूचना गतिविधिको जानकारी तथा जनताका गुनासो छिटो छरितो सम्वोधन गर्ने उद्देश्यले गुनासो व्यवस्थापन प्रणाली सञ्चालनमा ल्याएको उनको भनाइ छ ।
गुनासो सुनुवाईका लागि उनले मोबाइल नम्बरसमेत सार्वजनिक गर्दै त्यसमा डायल गरेपछि गुनासो विधिसमेत सिकाए ।
गुनासो सुनुवाइ प्रणाली देशभरका ७५३ स्थानीय तहमध्ये अछामको साँफेबगर नगरपालिका लगायत १२ स्थानीय तहले मात्र प्रविधिको प्रयोग गर्दै आएको नगरपालिकाकी सूचना प्रविधि अधिकृत कबिता कुँवरले बताइन् ।
प्रतिक्रिया दिनुहोस !
