मलंगवा : सर्लाहीको लालबन्दीमा भएको उद्योग बाणिज्य संघको निर्वाचनमा कल्याणकुमार जोशी प्यानल सहित विजयी भएको छन्।
आइतबार भएको निर्वाचनमा जोशी आफ्ना प्रतिद्ववन्दीलाई २ सय ७८ मतले पछि पार्दै विजयी भएका हुन्। जोशीले ४ सय २७ मत प्राप्त गरेका थिए । उनका निकटतम प्रतिद्वन्दी विक्रम भण्डारीले १ सय ७८ मत प्राप्त गरेका थिए । आइतबार ५ बजेसम्म भएको निर्वाचनको मत परिणाम सोमबार बिहान सार्वजनिक गरिएको हो।
त्यसैगरी प्रथम उपाध्यक्षमा लालबाबु साह ३ सय ८५, द्वितीय उपाध्यक्षमा श्री नारायण साह ३ सय ८६ र तृतीय उपाध्यक्षमा सूर्यबहादुर श्रेष्ठ ३ सय ९३ मत ल्याएर विजयी बनेका छन् ।
महासचिवमा दीपक बलम्पाकीले ३ सय ७४, सचिवमा भरतबहादुर खड्काले ४ सय २ कोषाध्यक्षमा रामप्रसाद देवकोटाले ३ सय ८९ र सह–कोषाध्यक्षमा पूर्णप्रसाद चौलागाईंले ४ सय ३ मत प्राप्त गरी विजयी भएका छन् । त्यसैगरी सदस्यमा खड्गप्रसाद बानियाँ, गोविन्दकुमार खड्का, सजित शङ्कर, विनोदकुमार दाहाल, महेशकुमार महतो, झगरु दास, राजकुमार न्यौपाने, वसन्तराज कार्की, कमलाकुमारी थापा, सोनेलाल साह, लालप्रसाद थपलिया र चुडामणि उप्रेती निर्वाचित भएका छन्।
६ सय २३ मतदाता रहेको सङ्घको नयाँ नेतृत्व चयनका ६ सय १२ जनाले मतदान गरेका थिए।जोशी ट्याक्टर चिन्ह लिएर चुनाव लडेका थिए भने भण्डारी घडी चिन्हबाट चुनावी मैदानमा उत्रिएका थिए।
प्रतिक्रिया दिनुहोस !
