रौतहट : रौतहटमा एक किशोरीलाई जंगलमा लगी तीन युवकले सामूहिक बलात्कार गरेका छन् । गुजरा नगरपालिका–२ स्थित जंगलमा बिहीबार दिउसो तीन जनाले १४ वर्षीया किशोरीलाई बलात्कार गरेको इलाका प्रहरी कार्यालय चन्द्रनिगाहपुरले जनाएको छ।
घटनास्थलबाट प्रहरीले ना ५४ प ६४६८ नम्बरको मोटरसाइकल, युवकहरुको कपडा, चप्पल बरामद गरेको छ । गरुडा बजारबाट किशोरीलाई फकाएर मोटरसाइकलमार्फत जंगलमा लगि जबरजस्ती करणी गर्दै गरेको अवस्थामा इलाका वन कार्यालय सिम्रीको गस्तीटोली देखेपछि युवकहरु भागेका थिए ।
किशोरीको स्वास्थ्य परीक्षण गरी घटनाको अनुशन्धान भइरहेको प्रहरीले जानकारी दिएको छ । फराररहेका आरोपीहरुको पहिचान भएको र उनीहरुको खोजी भइरहेको इलाका प्रहरी कार्यालय चन्द्रनिगाहपुरका प्रहरी निरीक्षक सन्तोष पाठकले जनाएका छन् ।
प्रतिक्रिया दिनुहोस !
१
