काठमाडौं : नयाँ शक्ति पार्टीका संयोजक तथा पूर्वप्रधानमन्त्री डा. बाबुराम भट्टराईले सीके राउत र सरकारबीच भएको सम्झौतामा शशंकित हुनुपर्ने बताएका छन् । आइतबार राति ट्वीट गर्दै उनले सीकेसँगको सहमतिमा जनअभिमत शब्दको प्रयोगलाई महाभारत कथामा द्रोणाचार्यको बध गर्न प्रयोग गरिएको द्वीअर्थी कुरासँग तुलना गरेका छन् ।
उनले लेखेका छन् महाभारतमा 'नरो वा कुन्जरो वा अश्वस्थामा हतोहत’भन्ने द्वीअर्थी कुरा गरेर द्रोणाचार्यको बध गरेझैं केपी सरकार–सीके सहमतिमा ‘जनअभिमत’मा आधारित लोकतान्त्रिक विधि भनेर जनमतसंग्रह अर्थ्याउने ढोका खोलिएको त हैन ?’
भट्टराईले लोकतन्त्र भनिसकेपछि फेरि त्यसमा जनअभिमत शब्द किन थपियो भन्दै प्रश्न गरेका छन् । ‘दालमें कुछ काला तो है ?'।
स्वतन्त्र मधेशको माग राख्दै गतिबिधि गर्दै हिडेका सीके राउतलाई कारागारमा थिए । सर्वाेच्च अदालतको आदेशमा बिहीबार कारागार मुक्त भएका सीके र सरकारबीच शुक्रबार ११ बुदेँ सहमति भएको थियो । विखण्डकारी मुद्दा त्याग्ने भन्दै सहमति गरेका उनी आइतबार जनकपुर पुग्दा उनलाई कार्यकर्ताले विखण्डनकारी नारा लगाउनुकासाथै फ्री मधेस लेखिएका ब्यानर बोकेका थिए । सुरक्षाका लगि भनीछुटै सुरक्षा दस्तासमेत प्रदर्शन गरिएको थियो ।
सहमतिविपरित सीकेको विखण्डनकारी गतिविधिले सबैलाई शंकित गराएको छ ।
प्रतिक्रिया दिनुहोस !
