हेटौंडा : मकवानपुरका स्थानीय तहहरुमा समान कामको समान ज्याला लागु गरिने भएको छ ।
जिल्ला समन्वय समिति मकवानपुरका प्रमुख रघुनाथ खुलालको संयोजकत्वमा आइतबार बसेको समन्वय बैठकले जिल्लामा महिला र पुरुषबीच समान कामको समान ज्याला लागु गर्ने निर्णय गरेको हो । महिला दिवसकाे सन्दर्भ पारेर यस्ताे निर्णय भएकाे हाे ।
जिल्लाका सबै स्थानीय तहका प्रमुख एवं उपप्रमुखले आगामी आर्थिक वर्षबाट ऐन नै बनाएर महिला र पुरुषबीच समान कामको समान ज्याला लागु गर्ने प्रतिबद्धता व्यक्त गरेका छन् ।
कानुनमै उल्लेख भए अनुसार महिला र पुरुषबीच समान कामको समान ज्याला प्राप्त गर्ने अधिकार निर्णय गरिएको जिल्ला समन्वय समितिका प्रमुख खुलालले बताए ।
बैठकमा हेटौंडा उपमहानगरपालिकाका मेयर हरिबहादुर महत, थाहा नगरपालिकाका मेयर लवशेर विष्ट लगायत मकवानपुरका १० वटै स्थानीय तहका प्रमुख÷उपप्रमुखहरुको सहभागिता थियो ।
प्रतिक्रिया दिनुहोस !
