चितवन : भरतपुर महानगरपालिका ५ को वडा कार्यलयमा गएराति शक्तिशाली सिलिण्डर बम विस्फोट भएको छ। तोरीखेतमा रहेको वडा कार्यालयमा राति करिब १२ः३० बजे विस्फोट गराइएको प्रहरीले जनाएको छ ।
जिल्ला प्रहरी कार्यालय चितवनका प्रमुख प्रहरी उपरीक्षक सुशीलसिंह राठौरले विस्फोटबाट कार्यालयको झ्यालका सिसा फुटेको र विस्फोटपछिको आगजनीबाट कागजपत्र जलेर नष्ट भएको जानकारी दिए।
जिल्लामा व्यापकरूपमा प्रहरी परिचालन भएकै समयमा विस्फोट भएको थियो। विस्फोट गराएको आशङ्कामा प्रहरीले राति नै ६ जनालाई नियन्त्रणमा लिएर अनुसन्धान शुरु गरेको छ।
घटना थाहा पाएलगत्तै महानगरको दमकल, सुरक्षाकर्मीको टोली पठाएर आगो निभाएको उनले बताए। राठौरले विप्लव निकट नेकपाले गराएको अनुमान गरिएको बताए।
प्रतिक्रिया दिनुहोस !
