बेनी : पौडी खेल्न गएका एक किशोर बुधबार अपराहन्न म्याग्दी नदीमा डुवेर बेपत्ता भएका छन्।
अन्नपूर्ण गाउँपालिका ८ राम्चे काफलडाँडाका अन्दाजी १४-१५ वर्षका हेमचन्द्र गर्बुजा पौडी खेल्ने क्रममा बेनी स्थित म्याग्दी नदीमा बेपत्ता भएका जिल्ला प्रहरी कार्यालयले जनाएको छ।
बेनी नगरपालिका ७ मंगलाघाटमा आफन्तको कोठामा बस्दै आएका गर्बुजा अन्य तीन जना साथीहरुसँगै पौडी खेल्न गएका थिए।
गर्बुजासँगै पौडी खेल्न गएका बेनी नगरपालिका ७ महारानीथानका अन्दाजी १६-१७ वर्षका निलप्रसाद छन्त्याललाई भने उद्धार गरेर प्राथमिक उपचारपछि आफन्तको जिम्मा लगाएको प्रहरीले जनाएको छ।
प्रतिक्रिया दिनुहोस !
