कल्पना घिमिरे, अनिल अधिकारी । अमेरिका : राष्ट्रपति विद्यादेवी भण्डारी महिलाको स्थितिसम्बन्धी राष्ट्रसंघीय आयोग (सीएसडब्ल्यू) को ६३ औं अधिवेशन सहभागी भएर स्वदेश फर्केकी छन् । उनी शुक्रबार काठमाडौं पुग्ने छिन् । उनले महिलाको विषयमा अब्बल धारणासँगै आफ्नो राजनीतिक यात्रा र परिवारको अवस्था समेत सुनाइन् ।
उनले विकटको नेपाली महिलाको राजनीतिक यात्रा र दैनिकी बारेमा सुनाइन् । त्यसको प्रतिनिधिपात्र आफैंलाई बनाएकी थिइन् ।सभामा बोल्नेबाहेक उनले साइडलाइन भेटवार्ता पनि गरिन् । नेपाली नियोगको अवलोकन गरिन् । दल निकट केही गैरआवसीय नेपाली, दूतावासका नातेदार र निकटवार्तीसँग छलफल गरिन् । उनले न्यूयोर्कस्थित स्थायी नियोग र महावाणिज्य दूतावासको ‘फुड लिस्ट’ सूचीमा र शक्ति केन्द्रको प्रभावमा रहेका सम्मिलित स्वगत समारोहमा अन्तरसम्वादसमेत भएको थियो ।
अमेरिकाका लागि राजदूत डा.अर्जुनकुमार कार्की र राष्ट्रसंघका स्थायी प्रतिनिधि अमृतबहादुर राईले संयुक्तरूपमा स्वागत समारोह आयोजना गरेका थिए । समारोहमा न्यूयोकस्थित केही कूटनीतिक समुदाय, नेपाली व्यापारिक समूह तथा प्रतिनिधिको उपस्थिति थियो ।
राष्ट्रपति भण्डारीको चार दिने अमेरिका बसाइमा उनले संयुक्त राष्ट्रसंघमा भइरहेका महिलासम्बन्धी विभिन्न बैठकसहित र केही भेटघाट पनि गरिन् । राष्ट्रपतिको स्तरबाट गर्ने कि नगर्ने भन्ने बहसकै बीचमा उनलाई अमेरिका पुर्याइएको हो । उनको भेटघाटको सूची हेर्दा निकै हतारोमा भ्रमण भएको देखिन्छ ।
राष्ट्रसंघको ७३ औं महासभाका अध्यक्ष मारिया फर्नाण्डा इस्पिनोसा ग्रेसेसले आयोजना गरेको रात्रिभोजम उनी सहभागी भएकी हुन् । उनले राष्ट्रसंघका महासचिव एण्टोनियो गुटेरेस र अध्यक्ष ग्रेसससँग शिष्टाचार भेट गर्दै दुईपक्षीय छलफल समेत गरिन् । उनले इस्टोनियाका राष्ट्रपति केस्र्टी कालजुलेड, क्रोएसियाका राष्ट्रपति कोलिण्डा ग्राबर किटारो भिच र आयरल्याण्डका पूर्वप्रधानमन्त्री मेरी रबिन्सनलगायतसँग पनि दुईपक्षीय भेटघाट गरिन् । तर उनको त्यहाँ भएको भेटघाट हेर्दा छिमेकी मुलुकका प्रतिनिधिसँग भन्दा मुलुकसँग खासै नाता नजोडिएकाहरूसँग धेरै भएको देखिन्छ ।
सीएसडब्लु महिला समानता र सशक्तिकरणको काम गर्ने एक आयोग हो । राष्ट्रसंघको आर्थिक र सामाजिक परिषद् (इकोसक) अन्तर्गतको यो आयोगले महिलाको आर्थिक र सामाजिक उत्थानमा काम गर्दै आएको छ । राष्ट्रसंघ मुख्यालयमा हरेक वर्ष आयोगको अधिवेशन हुनेगर्छ । यसअघिका अधिवेशनमा मन्त्रीस्तरबाट सहभागिता हुँदै आएको थियो । यसपटक विशेष भन्दै राष्ट्रपति आइपुगेकी हुन् । अधिवेशनमा विभिन्न मुलुकका महिलाको राजनीतिक आर्थिक, सामाजिक अवस्था र उपलब्धिबारे बहस हुने गरेको छ ।
महिलाका पक्षमा हालसम्म भएका उपलब्धिबारे जानकारी गराउन राष्ट्रसंघले सबै सदस्य राष्ट्र मुलुकका महिला नेतृत्वलाई हरेक वर्ष निम्तो दिने गर्छ । यसपट महिला मन्त्री थममाया थापासँगै राष्ट्रपति भण्डारीको अमेरिका भ्रमण चाहले भ्रमण तय गरिएको भ्रमणमा सामेल परराष्ट्रका एक अधिकारीले बताए ।
प्रतिक्रिया दिनुहोस !
