ताप्लेजुङ : ताप्लेजुङको मेरिङ्देन गाउँपालिका-२ सान्थाक्रामा शुक्रबार ट्याक्टर दुर्घटना हुँदा एक जनाको मृत्यु भएको छ।
सान्थाक्राको मैखुबाट गोलिया लिएर दोभान बजारतर्फ आउँदै गरेको मे १ त ४९८९ नम्बरको ट्याक्टर दुर्घटना भएको हो। दुर्घटनामा सह-चालक फुङलिङ नगरपालिका २ का १७ वर्षीय सुरेन्द्र तामाङको घटनास्थलमै मृत्यु भएको हो।
जिल्ला प्रहरी कार्यालय ताप्लेजुङका अनुसार सोही ट्याक्टरमा सवार सान्थाक्राका १६ वर्षीय टाँसी शेर्पा घाइते भएका छन्। उनको जिल्ला अस्पताल ताप्लेजुङमा उपचार भइराखेको छ।
ट्याक्टरका चालक भने फरार छन्।
प्रतिक्रिया दिनुहोस !
