सिमरा : बाराको सिमरास्थित ईलाका प्रहरी कार्यालयको गाडी अमलेखगञ्जमा दुर्घटना हुँदा दुई प्रहरी जवान घाइते भएका छन्।
अमलेखगञ्जबाट सिमरातर्फ आउँदै गरेको ईलाका प्रहरी कार्यालय सिमराको ना १ झ १३३२ नम्बरको स्कार्पियो जीप पल्टिँदा चालक रमेशकुमार झा र प्रहरी जवान खुमबहादुर खत्री घाइते भएका हुन्।
घाइते प्रहरीको सिमरास्थित अल्पाइन अस्पतालमा उपचार भइरहेको छ। घाइतेको अवस्था सामान्य रहेको अस्पतालले जनाएको छ।
अमलेखगञ्जबाट फर्कने क्रममा गाडी दुर्घटना भएको थियो।
प्रहरी निरीक्षक सुभाष हमालका अनुसार गाडीको चक्कामा हावा कम भएकाले हावा हाल्नका लागि चालक र जवानले लगिरहेका थिए।
घाइते चालकका अनुसार अगाडिबाट ट्रकलाई ओभरटेक गर्दै तीव्र गतिमा आएको मोटरसाइकललाई जोगाउने क्रममा जीप सडक छेउमा पल्टिएको हो।
प्रतिक्रिया दिनुहोस !
