बुटवल : रुपन्देहीको मणीग्राममा प्रहरीको गाडी र मोटरसाइकल ठोक्किँदा ४ जना घाइते भएका छन्। बा २ झ ८१०२ नम्बरको इलाका प्रहरी कार्यालय मंगलापुरको पिकअप भ्यान र लु १७ प २४८६ नम्बरको मोटरसाइकल ठोक्किँदा ३ जना प्रहरी र मोटरसाइकल चालक घाइते भएका हुन्।
दुर्घटनामा प्रहरी सहायक निरीक्षक केशबहादुर थापा, प्रहरी जवान किशोर जिसी र नुखबहादुर खत्री तथा मोटरसाइकल चालक उमेश यादव घाइते भएका हुन्।
मादकपदार्थ सेवन गरी मोटरसाइकल चलाउँदा दुर्घटना भएको इलाका प्रहरी कार्यालय बुटवलका डीएसपी डिलबहादुर मल्लले जानकारी दिए। घाइतेहरुको लुम्बिनी अञ्चल अस्पतालमा उपचार भइरहेको छ।
प्रतिक्रिया दिनुहोस !
