त्रिपुरासुन्दरी : धादिङको त्रिपूरासुन्दरी गाउँपालिका वडा नं ४ तिलारमा ट्रक दुर्घटना हुदाँ १ जना यात्रुको मृत्यु भएको छ भने अन्य ४ जना घाइते भएका छन्।
त्रिपुरासुन्दरीको खहरे बजारबाट कार्कीगाउँतर्फ ढुङगा लिएर जाँदै गरेको ग १ ख ५९५९ नम्बरको स्वराज ट्रक सोमबार बिहान अनियन्त्रित भइ दुर्घटना भएको थियो।
दुर्घटनामा त्रिपुरासुन्दरी गाउँपालिका वडा नं ७ बस्ने अर्जुन भुजेलको मृत्यु भएको जिल्ला प्रहरी कार्यालय धादिङका सुचना अधिकारी डिएसपी प्रकाश विष्टले जानकारी दिए। त्रिपुरासुन्दरी गाउँपालिका वडा नं ४ बस्ने चालक राजेश भण्डारी, वडा नं ७ बस्ने तिलक श्रेष्ठ, बिमला तिमिल्सीना र विष्णु सुर्खेती घाइते भएका छन्।
दुर्घटनामा घाइते भएका चालक भण्डारी र घाइते श्रेष्ठको काठमाडौँस्थित ट्रमा सेन्टरमा र अन्य दुई जनाको स्थानीय स्वास्थ्य संस्थामा उपचार भइरहेको छ।
प्रतिक्रिया दिनुहोस !
