काठमाडौं : सोमबार राजधानीसहित नेपालको पूर्वी भागमा पानी परेको छ। मौसम पूर्वाअनुमान महाशाखाका अनुसार बुधबारसम्म यो मौसम सक्रिय रहने छ।
महाशाखाका अनुसार मंगलबार दिउँसो देशका पहाडी भागमा सामान्य बदली हुने छ भने बाँकी भागमा आंशिक बदली हुनेछ।
महाशाखाका अनुसार देशको पहाडी भेगका केही स्थानमा मेघ गर्जनसहित वर्षा हुनेछ। त्यस्तै राति देशका पहाडीमा आंशिक बदली हुने र अन्य भूभागमा मौसम सफा रहनेछ।
महाशाखाका अनुसार बुधबार दिउँसो देशका धेरै भागमा सामान्य बदली हुनेछ भने पश्चिमी र पहाडी भागका केही स्थानमा मेघ गर्जनसहित वर्षा हुनेछ।
प्रतिक्रिया दिनुहोस !
