काठमाडौं : नेपालका सन्दीप लामिछाने १२ औं संस्करणको इन्डियन प्रिमियर लिग (आईपीएल) खेल खेल्न बुधबार दिल्ली जाँदै छन्।
सन्दीप आईपीएलमा दिल्ली क्यापिटलबाट खेल्दै छन्। सन्दीपले आफूले खेल्न पाए पनि नपाए पनि टोलीको लक्ष्य उपाधि रहेको बताए।
आईपीएल मार्च २३ देखि भारतका विभिन्न सहरमा हुँदै छ। सन्दीपको टोली दिल्ली क्यापिटलले पहिलो खेल २४ मार्चमा मुम्बई इन्डियन्ससँग खेल्ने छ।
सन्दीपलाई गत संस्करणमा दिल्लीले अन्तिम तीन खेल खेलाएको थियो। उनले पाँच विकेट लिएका थिए। सन्दीपले पछिल्लो एक वर्ष विश्वका चर्चित लिग खेल्दै आएका छन्।
दिल्लीले यसपटक पनि उनलाई २० लाख भारतीय रुपैयाँ पारिश्रमिक दिने छ।
प्रतिक्रिया दिनुहोस !
