काठमाडौं : राष्ट्रिय जनता पार्टी (राजपा)को संयोजकमा शरदसिंह भण्डारी चयन भएका छन्। राजपाको अध्यक्षमण्डलको बुधबार बसेको बैठकले भण्डारीलाई पार्टी संयोजकमा चयन गरेको महासचिव केशव झाले जानकारी दिए।
२०७४ वैशाख ७ गते मधेसी मोर्चामा आबद्ध ६ वटा पार्टी एकीकरण भई राजपा गठन भएको थियो। त्यतिखेर सबै पार्टीका अध्यक्ष अध्यक्षमण्डलका सदस्य बन्ने र चक्रीय प्रणालीअनुसार सबैले पार्टीको नेतृत्व गर्ने निर्णय थियो।
राष्ट्रिय जनता पार्टी (राजपा) ले चक्रीय प्रणालीअनुसार यस अगाडि अध्यक्ष मण्डलको संयोजकमा राजेन्द्र महतो चयन भएका थिए।
प्रतिक्रिया दिनुहोस !
