बेनी : म्याग्दीको धवलागिरी गाउँपालिका-६ मराङस्थित राम्चे आधारभूत विद्यालयको छानो हावाहुरीले उडाएको छ।कक्षा ५ सम्म पढाइ हुने विद्यालयको कार्यालय, एकवटा कक्षा कोठा र शौचालयको छानो बुधबार रातीको हावाहुरीले उडाएको हो।
हावाहुरीले जस्तापाताले छाएको छानो उडाउँदा प्रशासनिक कामकाज प्रभावित भएको प्रअ छोटेलाल ठाकुरले बताए। 'वार्षिक परीक्षा सकिएकाले तत्कालै पठनपाठनलाई असर गरेको त छैन, प्रअ ठाकुरले भने, 'तर प्रशासनिक काम प्रभावित भएको छ।'
सो विद्यालयमा करिब ५० जना विद्यार्थी अध्ययनरत छन्। गाउँपालिकाको विपद् व्यवस्थापन कोषमार्फत हावाहुरीले उडाएको छानो मर्मतका लागि पहल गरिएको वडा अध्यक्ष राजाराम सुवेदीले बताए।
प्रतिक्रिया दिनुहोस !
