परासी : स्वतन्त्र मधेस गठबन्धनको माग गर्ने सीके राउत नेतृत्वको ‘जनमत पार्टी’ ले पश्चिम नवलपरासीका विभिन्न गाउँमा जन अभियान सञ्चालन गरेको छ ।
जिल्लामा रहेको गठबन्धनलाई समेत पुनर्गठन गरी नयाँ समिति बनाइएको छ । श्रीकृष्ण यादवको अध्यक्षतामा २१ सदस्यीय जिल्ला समिति मंगलबार गठन गरेको जनमत पार्टीका पदाधिकारीले बताएका छन् ।
सरकारसँग भएको सहमति र नयाँ पार्टी गठनको औचित्यका बारेमा जनतालाई जानकारी दिन उनीहरुको सुझाव संकलन गर्न नेताहरु गाउँ अभियानमा लागेको बताएका छन् ।
अन्तरक्रिया र कोणसभाको आयोजना गरेर नेताहरुले पार्टीप्रति जनताको धारणा बुझन् लागेको बताएका थिए । अभियानमा केन्द्रीय र जिल्ला नेताहरु सहभागी छन् । प्रतापपुरको हर्कपुरा चोकमा मंगलबार कोणसभाको आयोजना गरेर नेताहरुले अभियान सुरु भयो । केन्द्रीय सदस्य धु्रव गौडका अनुसार पार्टी गठनपछि कार्यकर्ताहरुमा रहेको अन्योलता हटाउन अभियान सञ्चालन भएको हो ।
प्रतिक्रिया दिनुहोस !
