खोटाङबाट काठमाडौं जाँदै गरेको स्कारपियो ओखलढुंगामा दुर्घटना, ६ को मृत्यु, ३ गम्भीर
चैत १७, २०७५ आइतबार १३:०:०
ओखलढुंगा : ओखलढुंगामा स्कार्पियो दुर्घटना हुँदा ६ जनाको घटनास्थलमै ज्यान गएको छ। खोटाङको हलेसीबाट काठमाडौं जाँदै गरेको बा १६च २२०७ नम्बरको स्कारपियो ओखलढुंगाको मानेभञ्ज्यांग गाउँपालिका- ७ स्थित भण्डारे खोलामा दुर्घटनामा परेको हो।
दुर्घटनामा २ जना महिला र ४ जना पुरुषको ज्यान गएको बताइए पनि सनाखत हुन नसकेको प्रहरीले जानकारी दिएको छ। अन्य तीन गम्भीर घाइतेको दयपुरको घुर्मिस्थित आस्था अस्पतालमा उपचार भइरहेको प्रहरीले जनाएको छ।
घटनास्थलमा प्रहरी खटाइएको र थप विवरण आउन बाँकी रहेको जिल्ला प्रहरी कार्यालय ओखलढुंगाका प्रहरी निरीक्षक राजीव श्रेष्ठले बताए।
प्रतिक्रिया दिनुहोस !
