दमौली : श्रीमतीको हत्या गरेकोे आरोपमा तनहुँस्थित शुक्लागण्डकीका श्रीराम श्रेष्ठ पक्राउ परेका छन्। श्रेष्ठविरुद्ध प्रहरीले ज्यानसम्बन्धी कसुर मुद्दा चलाउने तयारी गरेको छ।
गत शुक्रबार शुक्लागण्डकी–७ धारापानीस्थित घरमा श्रेष्ठले पत्नी फूलमाया नेपालीको ज्यान लिएको प्रहरीले जनाएको छ। नेपाली घरमुन्तिरको बारीमा मृत भेटिएकी थिइन्।
मादक पदार्थ सेवन गरेर सधैं श्रीमती कुट्ने श्रेष्ठले घटना भएको दिन पनि मादक पदार्थ सेवन गरेको प्रहरी नायब उपरीक्षक श्यामु अर्यालले बताए।
मृतकका आफन्तले जाहेरी दिएपछि ईलाका प्रहरी कार्यालय बेलचौताराले ज्यानसम्बन्धी कसुरमा मुद्दा चलाउनका लागि अदालतबाट म्याद लिएको छ। थप अनुसन्धान पश्चात मुद्दा दायर गरिने अर्यालले जनाए।
प्रतिक्रिया दिनुहोस !
