बैतडी : बैतडीको दशरथचन्द नगरपालिका- १० को बाराकोटमा मंगलबार ट्याक्टर दुर्घटना हुँदा एकजनाको ज्यान गएको छ। सदरमुकाम गोठलापानीबाट झुलाघाटतर्फ गइरहेको से १ त ७०३७ नम्बरको ट्याक्टर दिउँसो दुर्घटनामा परेको हो। मृत्यु हुनेमा कैलालीको टिकापुर नगरपालिका-१ निवासी ट्याक्टरका सहचालक तपेन्द्र पुन मगर रहेका जिल्ला प्रहरी कार्यालयका प्रहरी प्रवक्ता प्रहरी निरीक्षक नेत्रबहादुर कुवँरले बताए।
अनियन्त्रित भएर दुर्घटनामा परेको ट्याक्टर सडकबाट करिब ५ मिटर तल खसेको छ। ट्याक्टर चालक दाङ शान्तिनगर गाउँपालिकाका- ६ का रमेश चौधरी भने सकुशल रहेका प्रहरीले जनाएको छ।चालक भने प्रहरी नियन्त्रणमा छन्।
प्रतिक्रिया दिनुहोस !
