चरिकोट : कालिञ्चोक गाउँपालिका-४ लामिडाँडाको लुकापानी भन्ने स्थानमा ट्याक्टर दुर्घटना हुँदा २ जना गम्भीर घाइते भएका छन्। लामिडाँडाको हिलेपानीबाट सिंगटी जाँदै गरेको लु३त ३९८३ नम्बरको ट्याक्टर बिहीबार दिउँसो करिब २ बजे दुर्घटना हुँदा २ जना सहचालक गम्भीर घाइते भएको प्रहरीले जनाएको छ।
दुर्घटनामा कालिञ्चोक गाउँपालिका-४, लामिडाँडाका २६ वर्षीय सन्तोष थामी र २७ वर्षीय पुष्कर थामी सहचालक गम्भीर घाइते भएको दोलखाका प्रहरी प्रवक्ता प्रहरी निरीक्षक प्रदित महतले जानकारी दिए।घाइते दुबै बोल्न नसक्ने गरी गम्भीर रहेको प्रहरीले जनाएको छ।
घाइते सिंगटीमा प्राथमिक उपचार गरी थप उपचारका लागि चरिकोट रिफर गरेको सिंगटी प्रहरीले जनाएको छ। ट्याक्टर चालक २७ वर्षीया ईश्वर थामी सामान्य रहेका छन् भने उनलाई प्रहरीले नियन्त्रणमा लिएको छ।
प्रतिक्रिया दिनुहोस !
